Errehabilitazio anbulatorioa Bilbo, Arrasate eta Donostian egiten da. Bilbon eta Arrasaten diziplina bakar edo anitzeko errehabilitazioa, kanpo kontsultak eta peritazio mediku-legalak eskaintzen dira. Arrasateko unitate anbulatorioak zein Arrasateko Gesalibar auzoko ospitaleratze unitateak langile eta kokapen fisiko bera dute.

Bilboko zentroa 1997ko maiatzean zabaldu zen eta Egaña kalean dago kokatua, Indautxu Hoteletik gertu. Gehienbat Euskal Autonomi Erkidegoko pazienteak artatzen ditu; eta kasu gutxi batzuk penintsulako beste leku batzuetatik etortzen dira.

Donostian diziplina anitzeko errehabilitazioa eskaintzen da. Medikuaren jarraipena eta peritazioak aipatutako beste bi zentrotariko batean egiten dira.