Asistentzia lerrorik garrantzitsuena zainketen eremuan kokatzen da, hain zuzen, unitate honetan aurkitzen den dependentzia maila oso garrantzitsua bait da. Erizaintzako zainketa estandarizatuak jorratzen dira, bereziki, elikadura, higienea, mobilizazioa eta egoera fisiko zein psikikoaren gainbegiraketa.

Zainketa hauen osagarri gisa, medikuntza arloan eskaintzen den asistentzia sistematikoa eta programatua aurkitzen da, maila honetan aipatutako espezialitateek parte hartzen dutelarik.

Errehabilitazioari dagokionez, gaixoak bere ingurunean autonomia osoz mugitzeko sortzen diren zailtasunei aurre egiteko, programa estrategikoak prestatzen dira.

Gaixoaren sorospen integral bat lortzeko, oso garrantzitsua da harremanak, familia eta pastoraltzaren arloko beharrei aurre egitea. Ikuspegi honetatik, Pastoraltza Zerbitzuko programak eta bolondresen programa dauzkagu eta irteerak zein familiarekiko kontaktuak bultzatzen.