Egonaldi ertaina

Programa asistentzialak

Ebaluazio ekintzak eta ekintza terapeutikoak banakakoak eta taldekakoak dira.

Banakako laguntzaren arloan, ebaluazio ekintzak lantzen dira, bai psikopatologia aldetik eta baita bereziki psikologia aldetik ere: balorazio kognitiboa, neuropsikologikoa, pertsonalitatearena, etab.

Arazo somatikoak izanez gero, mediku kontsultore batek, barne medikuntzan espezialista, beharrezko tratamenduak baloratu eta gainbegiratzen ditu.

Eskuhartze terapeutikoak koadro klinikoaren arabera ezartzen dira: eskuhartze psikofarmakologikoa, laguntza terapia, norabidatze kognitibo-konduktuala, dinamikoa.

Mota guztietako sintomatologia alderdi ezberdinetatik lantzeko asmoz eta tratamendu integrala eskaini ahal izateko, ondoren deskribatzen diren programak diseinatu dira.

Autozainketa programa

Erizaintza langileek ezartzen dute eta helburua ohitura egokiak bultzatzea da zainketa pertsonalaren aldean (higienea, arropa eta bestelako gai pertsonalen erabilpena), gaixo bakoitzari bere beharren arabera egokitzen zaiona.

Osasun hezkuntza programa

Erizaintza langileek gidatua baita ere, ohitura osasuntsuak bultzatzen ditu. Gai ezberdinak lantzen ditu talde giroan: dietetika, sexu heziketa, osasun zainketak, toxikoen abstinentzia eta baliabideen erabilpen arrazionala.

Taldekako psikoterapia

Psikologia langileek zuzenduriko talde terapeutiko ezberdinak osatzen dute:

  • Gizarte trebetasunetan entrenamendua
  • Arazoen gainditzea
  • Estresaren kudeaketa
  • Erlajazio tekniketan entrenamendua
  • Cravingaren kudeaketa

Helburu amankomun bezala dute, gaixoek baliabide pertsonalak izan ditzatela pertsona arteko komunikazioa, aurre egitea eta kanpoko eskakizunei egokitzea bezalako arloetan.

Aisiaren errehabilitazioa

Errehabilitazio Zerbitzuko psikologoek programatutako ekintza ezberdinek osatzen dute. Unitateko monitoreak aisialdiaren okupazioa modu erabilgarrian eta atseginean eman dadila bultzatzen du. Arlo ezberdinak jorratzen dira: jokuak, komunitatera irteerak (erosketak, igerilekua). Aldi berean, kulturarekiko eta okupazioarekiko interesa sustatzea bilatzen du.

Lan errehabilitazioa

Ospitaleko lantegi okupazionaleko monitoreen laguntzarekin, birlaneratze helburu duen entrenamendua burutzen da.