Pastoraltza eta Proiektu sozialak

Aita Menni Kirol Elkartea

Aita Menni Kirol Elkartea

Errehabilitazio-aldia amaituta, ezgaitasuna duten pertsona askok gizarteratzeko erronkari aurre egiten diote.  Beharrezkoa den jarduera fisikoarekin jarraitzeko, pertsonaren ezaugarri berrietara egokitzeko eta aisialdi-aukerak eta gizarte-harremanetarako aukera izateko moduetako bat kirol egokitua da.  

Hori dela eta, Aita Menni Ospitalean, ezgaitasuna duten pertsonei zerbitzu guztiak emateko helburua dugunez, Aita Menni Kirol Elkartea (ADAM) sortzeko prest jarri gara.

Epe luzerako proiektua da, eta babesleen, enpresen eta bazkideen ekarpenen bidez eutsiko diogu.

Elkarte honen aurrekariak Arrasaten (Azoka zentroa eta Gesalibar Eguneko Ospitalean), Donostian (Antiguoko zentroa), Bilbon (Bekoetxe zentroa), Gernikan (Lurgorri zentroa) eta gure Bilboko Neuroerrehabilitazio Zentroan (Cener zentroa) kudeatzen ditugun garuneko kalteko eguneko zentroetan duela zenbait urte garatzen ari garen kirol aurreko tailerretan ditugu.

Kirol aurreko tailer horietan, hainbat kiroletan oinarritzen diren jarduera fisikoak eta jolasak egiten dira. Helburuak terapeutikoak eta kirolaren inguruko ezagutzak izatea dira.

Helburuak

Lehendabizi, erabiltzaileak baloratzen ditugu, kirol lehentasunei buruz galdetzen diegu, kirola aukera dezaten, eta maila motorrean (gaitasunak indartzea, mantentzea edota kaltetutako funtzio motorrak berreskuratzea), autonomian, onurak lortzen laguntzen duen ikuspegi batetik antolatzen ditugu tailerrak.

Aita Menni Kirol Elkartearen helburua garuneko kaltea eta jatorri neurologikoko bestelako ezgaitasunak dituzten EAEko pertsonen artean kirol jarduera sustatzea eta garatzea izango da. Horrela, normalean kirola egiten eta entrenatzen duten pertsona ezgaituen taldeak sortuko dira.

Nahi duenak federatzeko aukera izango du, eta antolatzen diren lehiaketa ofizialetan parte hartu.

Kirol modalitateak

Kirol modalitate hauetan lehiatu eta parte hartu nahi dugu: boccia (petankaren antzeko kirola, gorputz-adarretan ezgaitasun osoa edo partziala duten kirolarientzat dena), igeriketa eta txirrindularitza.

Egoitzak

ARRASATE:

o   Azoka garuneko kalteko eguneko zentroa.

o   Eguneko ospitalea. Garuneko kaltearen zerbitzua. Gesalibar.          

DONOSTIA:

o   Antiguoko garuneko kalteko eguneko zentroa (Zuatzu industrialdean). 

BILBO:

o   Neuroerrehabilitazio Zentroa (Cener).

o   Bekoetxe zentroa. 

GERNIKA:

o   Lurgorri zentroa.

ALBISTEAK

- Aita Menni Kirol Elkartea abian jarri da dagoeneko!

Aita Menni Kirol Elkartea BBVA Lurralde Solidarioen III. edizioan hautatu dute

Gure heroientzako dirua biltzen jarraitzen dugu

ADAM elkartearen elastikoak igerilekuetan, kiroldegietan eta, kalean, noski, ikusten hasi dira!

Aita Menni Kirol Elkarteko bocciako kirolariek txapelketa ofizial batean parte hartu dute lehen aldiz

Boccia Aita Menni Kirol Elkarteko kirolarien bizitzaren zati bat da dagoeneko

Aita Menni Kirol Elkarteko kideak astean behin joaten dira igeri egitera, arratsalde batean

Aita Menni Kirol Elkarteak bere lehen jarduera-urtea berrikusi eta hurrengo denboraldia aurkeztu du

Zure botoak balio du. Lagundu ADAM elkarteari “Gure heroientzat” deialdian

Kirolaren onurak garuneko kaltea duten pertsonentzat. ADAM sortzearen zergatik