Osasun mentala

Eguneroko jarduera instrumentalak Egonaldi Ertaineko Unitatean

2017(e)ko urria(r)en 20a

Amaia Bolumburu Aldazabal

Psikologoa. Aita Menni Ospitalea.

Mª José Reos Llinares

Terapeuta okupazionala.

Egonaldi Ertaineko Unitatean, beran artatzen diren lagunen okupaziora eta errehabilitaziora zuzentzen den programaren zati bat autonomia eta ahalduntzea sustatu, prestatu eta erraztera bideratzen da, ekintza terapeutikoen bitartez, eguneroko bizitzako jarduera instrumentalak lantze aldera (EBJ). Gure pazienteen eremu okupazional desberdinen garapenari erreparatzen…

Arazo mental larria duten pertsonek EBJn dituzten gabezia nagusiak hauek dira:

Bainua/dutxa
Janztea
Ahoko higienea
Janztea
Elikadura eta janariak prestatzea
Baliabide komunitarioen erabilera
Finantzak kudeatzea
Osasuna zaintzea
Etxea zaintzea
Dirua erabiltzea eta erosketak

Eguneroko bizitzako jarduera instrumental esaten zaie oinarrizko jarduerak baino konplexuagoak direnei, baina, bizitzeko hain oinarrizkoak izan gabe ere, beharrezkoak dira bizimodu independentea edukitzeko.Etxeko lanen arlokoak zein etxetik kanpoko mugikortasunekoak sartzen dira.

Eguneroko bizitzako jarduera instrumentalak

Beste pertsona batzuk zaintzea
Abereak eta maskotak zaintzea
Haurrak haztea
Komunikatzeko gailuen erabilera
Komunitatea mugitzea
Finantzen kudeaketa
Osasun kontrolatzea eta mantentzea
Etxean kokatzea eta gobernatzea
Menuak prestatzea eta garbiketa
Segurtasun prozedurak eta erantzuna larrialdia gertatuz gero
Erosketak

Gaixotasun mentala dutelako artatzen ditugun pertsona horiek alta hartu eta gero izango duten helmuga, seguruenik, beraien etxea izango da, senideekin edo senide gabe, edo bestela babespeko pisuak, non gutxieneko autonomia eduki behar den eguneroko jarduerak egiteko. Horregatik, oso garrantzitsua da profesionalek esku hartzea, pertsona bakoitzaren autonomia sustatu, prestatu eta errehabilitatzeko.

Eguneroko jarduera instrumentalak Egonaldi Ertaineko Unitatean

Helburu hori betetzeko erabiltzen diren jarduera terapeutikoak hauek dira:

Etxea gobernatzea
Komunitatera orientatzea
Informatika
Sukaldaritza
Komunitatera irtetea (hipermerkatuan erostea)

Jarduera horietan, taldea itxia da, eta talde terapeutikoaren bileretan erabakitzen da zein paziente diren egokiak talde bakoitzerako, beraien gaitasunak eta beharrak kontuan hartuta.

Ondoren, jarduera bakoitzaren ekintzetako batzuk erakusten ditugu, gainetik bada ere:

ETXEA GOBERNATZEA	Arazoak eta indarguneak identifikatzea Etxea prestatzea Etxea mantentzea Planifikazioa Diruaren kudeaketa Arriskuen prebentzioa stripua gertatzen denean egin beharreko jarduera
KOMUNITATERA ORIENTATZEA	Arazoak eta indarguneak identifikatzea Komunitatearen aisialdian parte hartzea Komunitatean boluntariotza lanetan parte hartzea Lan jardueretan parte hartzea Komunitatea erabiltzea EBJri lotutako helburuak betetzeko Herri barruko desplazamneduak Herri batetik besterako desplazamenduak Diruaren kudeaketa
INFORMATIKA	Paziente bakoitzaren mailaren arabera, beharretara egokitzen da Informazioa bilatzea Microsoft Word erabiltzea
SUKALDARITZA	Errezeta osasungarriak prestatzea Errezeten planifikazioa Errezeta bakoitza prestatzea Garbiketa
KOMUNITATERA IRTETEA	Sukaldaritzako jarduerarako behar diren osagaiak erostea Beharrezko produktuen aurrekontua in situ prestatzea

Jarduera horiek martxan jarriz azpimarratzen den alderdietako bat da ohiturak hartzea edo mantentzea eta rolak. Kontuan hartu behar dugu aipatutako jarduerak egiten dituzten pertsonetako askok, sarri askotan, ez dutela inoiz etxea zaintzearen rola bete.

Gainera, beti ahalik eta materialik errealenarekin lan egiten saiatzen gara, ikasketak gehiago orokortzeko. Horren adibide argia da komunitatera orientatutako jarduera, zeinean Gipuzkoako hainbat herritako eta euskal lurraldeetako hiriburuen gidak, mapak eta kaleen planoak erabiltzen diren. Horrenbestez, eskerrak eman behar dizkiegu turismo bulegoei, materialaren zati handi bat beraiek ematen baitigute.