2.000 kilo elikagai jasotzea lortu genuen Lesboseko errefuxiatuentzat

14/01/2020

Eskerrik asko, Euskadi! Benito Menni Fundazioak 7.000 euroko ekarpena egingo du, Grezian barazkiak zein frutak erosteko; izan ere, hemendik ezin dira bidali produktu galkorrak.

Aita Menni Ospitaleak bat egin zuen Zaporeak GKEak elikagaiak biltzeko egindako kanpainarekin, Lesbos uharteko (Grezia) errefuxiatu eremuetan dauden pertsonentzat, abenduan eta urtarril hasieran. Bilketa abenduaren amaieratik urtarrilaren 6ra bitartean egin zen, zehazki, Joxe Miel Barandiaran eta Txurdinagabarri egoitzetan, Durangon eta Bilbon, hurrenez hurren, eta Arrasateko Ospitalean.

Egun horietan, batez ere arroza, dilistak, babarrunak, txitxirioak, sardina kontserbak eta oliba olioa jaso ziren.  Gainera,  batu ahal izan ditugu emaitzetan, 3.000 euro Zaporeak GKEaren merchandisinga salduta. 

Benito Menni Fundazioak 7.000 euroko ekarpena egingo du, Grezian barazkiak zein frutak erosteko; izan ere, hemendik ezin dira bidali produktu galkorrak. 

Eskerrik asko!

Aita Mennitik eskerrak eman nahi dizkiogu Zaporeak GKEari, egiten duen lanagatik, eta baita ere lagundu duten pertsona guztiei: Boluntarioak, Aita Menniko langileak, Ahizpa Ospitalarien erlijiosoen komunitateari –Jesusen Bihotzaren Kongregazioa, Aita Menni horren parte baita–, eta gure jasotze zentroetara euren emaitza ematera etorri diren pertsona anonimo guztiei.  

Aita Menni Ospitaleko Proiektu solidarioen arduradun Egoitza Zabalak bereziki eskertu nahi du Benito Menni Fundazioaren laguntza ekonomikoa, "jasotakoa bere helmugara iritsi dadin”, eta, elikaduraren bitartez hainbeste pertsonaren bizitzari duintasuna emanez. “Baztertutako pertsonarik gabeko mundu bat eraikitzen jarraituko dugu, mundu bat non inork ez duen utzi beharko etxea eta familia, ezta itsasoratu beharrik ere, zatitu besterik egiten ez duten gerren ondorioz”, amaitu du, berriro ere eskerrak emanez.

* Berria ere argitaratu dute::

Diario Vasco

Goiena