Ahizpa Ospitalariek urtarrilean irekiko dute berriro Monroviako Klinika Anbulatorioa

Benedict Menni Centre

Encarnación González, Ahizpa Ospitalaria, eta Mikel Tellaeche, Aita Menni Ospitaleko zuzendari kudeatzailea Liberiara joan dira “Benedict Menni Centre” Medikuntza Orokorreko Klinika Anbulatorioa urtarrilean berriro irekia lortzeko. Larrialdietako medikuntzan aditua den Arreta Komunitarioko Zerbitzua du. Haiekin batera, Joana Agbotse eta Colette Banja ahizpak era joan ziren Ghanatik.

Azaroaren 13an Liberian “larrialdi-egoera” ezarri bazen ere, gabeziak oraindik oso handiak dira, eta ebolaren birusaren kontrola borroka ez da amaitu. Hauek dira ase gabe jarraitzen duten berehalako premia nagusiak: osasun arloko langileak, sendagaiak eta ebolako pazienteak eta beste gaixotasun batzuk dituzten eta tratatzeko aukerarik gabe geratu diren pertsonak artatzeko ospitaleak. Balioespenen arabera, epidemiaren eta horren ondorioz gertatutako osasun-sistema nazionalaren beherakadaren ondoren, gaur egun, ebola-epidemiaren aurretik zegoen ahalmenaren % 10 bakarrik dago jarduteko moduan. Premiazko egoera nazionala bikoitza da: batetik, epidemia kontrolatu behar dute; bestetik, osasun-sistema berrantolatu.

Benedict Menni Health Center zentroaren irekitzea Liberiako Osasun eta Ongizate Ministerioak Osasun Sistema Nazionala (MOH&SW) berrantolatzeko egindako jardueretako bat da.

Euskadi eta Nafarroa alderatzeko taula

—————————————————————————————————————————–

Egoera horren aurrean, iragan abuztuan itxi zuten “Benedict Menni Centre” Medikuntza Orokorreko Klinika Anbulatorioa berriro irekitzea erabaki dute, Monroviako Elizbarrutiaren Osasun-zerbitzuen laguntzarekin eta Catholic Relief Services (CRS).

Benedict Menni Health Center Pinesvillen kokatuta dagoen osasun-zentroa da, Pipe-line Roaden ondoan, eta 7.500 biztanle inguruko herriari osasun-arreta ematen dio.

St Joseph’s Catholic Hospital ospitaleko hondakinak bereizteko eremua, Benedict Menni Health Center zentroan jarriko dutenaren antzekoa dena

Iaz, 2013. urtean, hauxe izan zen Benedict Menni Health Center zentroak egindako jarduera:

Ebola-epidemia dela eta, zentroa berriro irekitzeko paziente eta langileen segurtasuna bermatzen duten zenbait neurri hartu behar dituzte. Neurri horiek oinarrizkoak eta funtsezkoak dira, eta besteak beste instalazioak eta langileen prestakuntza egokitu behar dituzte.

Instalazioen egokitzapenari dagokionez, eta MSFren (fitxategirako esteka) segurtasun-protokoloei jarraituz, sarreraren ondoan hondakinak bereizteko eremu bat eta kasu susmagarri edota posibleetarako eta Community Care Center (CCC).izeneko isolamendu-eremu bat eraiki behar dituzte. Lanak espero dira urtarril amaierarako burututa egotea, eta CRSren kudeaketari esker Belgikako Caritasek finantzatuko ditu. Horrez gain, beste erraustegi bat jarriko dute, eta CRSk teknikariak bidaliko ditu dauden putzuen uraren edangarritasuna aztertzeko eta bermatzeko.

Langileak abenduaren 15ean hasi ziren prestatzen eta ireki arte jarraituko dute. Klinikaren jardueren artean txertaketekin hasiko dira (OPD). Bigarren fase batean amentzako eremua irekiko dute.

Medikuntza Orokorreko Klinika Anbulatorioa

“Benedict Menni Centre” klinikaren aurrekariak

Medikuntza Orokorreko “Benedict Menni Centre” Klinika Anbulatorioa Monroviako hirian dago, Liberian, eta lehen mailako arretak bakarrik ematen zituen, amatasunerako berariazko arlo batekin. Joan den abuztutik itxita zegoen, pazienteen eta langileen segurtasuna ezin zelako ziurtatu. Zentroa hiru ahizpa ospitalarik kudeatzen zuten:  Felicia Inmaculada Gbortsuk, Coletta Bancak eta María Encarnación González Calzadak. Ahizpek batez beste 30 paziente artatzen zituzten egunero beste 20 langileren laguntzaz kanpo-zerbitzuak, larrialdiak eta erditzeak barne hartuta.

Gaur egun, Ahizpa Ospitalarien ekintza lau kontinentetako 27 herrialdetan hedatuta dago, eta 350 zentro eta arreta soziosanitarioko zentro baino gehiago ditu.