EPSZetan familiekin ospatzen ditugu Gabonak

23/12/2019

Egun hauek eskerrak emateko aprobetxatuz. “Zuen babes eta lankidetzarekin, gure zeregin terapeutikoa errazten duzue eta gure bizitza hain konplikatua ez izatea eta atseginagoa izatea lortzen duzue”, adierazi die gure talde terapeutikoak senideei, baita gure zentroen erabiltzaileen izenean ere.

Gabonak iristean, beste urte batez, talde terapeutikoek eta egunero Aita Menniko  Errehabilitazio Psikosozialeko Zentroetara (EPSZ) etortzen diren kideek egun bat partekatu dute familiekin. Batera edo bestera, baina beti maitasun handiz, Irunen, Arrasaten eta Beasainen, esker ona helarazi nahi izan zieten senideei, egunez egun erabiltzaileen errehabilitazio eta zaintza prozesuan parte hartzeagatik. Zuen babes eta lankidetzarekin gure lan terapeutikoa errazten duzue, eta gure bizitza hain konplikatua ez izatea eta atseginagoa izatea lortzen duzue”, adierazi zien Vicente Huesok.

EPSZez gain, Aita Mennik gaixotasun mentala duten pertsonak artatzen ditu Arrasateko Eguneko Ospitalean eta komunitatean integratutako pisu ikuskatuetan  Donostian eta Arrasaten, eta etxeko laguntza ematen die 34 laguni, Gipuzkoako hainbat herritan. Guztira, 2019. Urtean, zerbitzu horretatik 181 laguni eman zaie arreta. Gure psikologo klinikoak gogoratu zuenez, halaber, gure lana ezinezkoa litzateke Gipuzkoako Foru Aldundiaren laguntza eta Osakidetzako Osasun Mentaleko Zentoren koordinazioa izan gabe. Helburu nagusia da erabiltzaile bakoitzak ahalik eta bizimodurik “normalena” egitea lortzea”, azpimarratu zuen koordinatzaileak. 

Bizimodu “normala”

Eta helburu hori lortu egiten da. Bizimodu “normala” lortzea errehabilitazio programen laguntzarekin, zentroetan, komunitatean eta etxean, ahal dela. Cristina Bustinduy autonomia lortu daitekeelako adibide ona da. Eskizofrenia paranoide bat izanik Aita Mennin ingresatuta tratamendua jaso ondoren, eta Beasaingo eta Irungo EPSZetatik igaro ondoren, zeinetan errehabilitazioa eta birgizarteratzea sustatzen baita, ikuskatutako alta jaso du, eta “bere bizitza” egin dezake, Hondarribian apartamentu batean bizitzen. Are gehiago, gizarte integrazioa ikasten ari den eta sare sozialen bidez ezagutu duen bikotekidearekin bizitzera joatea planteatzen ari da, oso urrun ez dagoen beste hiri batera. Bere bilakaerarekin oso pozik, ozen animatu nahi izan zituen bere kide izan diren pertsonei eta senideei Irungo Palmera Montero zentro zibikoan egin zen ekitaldian, hilaren 17an. Cristinak egin dituen aurrerapenek baieztatzen dute pertsona batek, behar dituen babesak jasotzen baditu, bizitza autonomoa lortu dezakeela.

Bingoa eta bonboiak denontzat

Cristinaren hitzen ondoren, Irungo EPSZk senideekin egiten den ospakizunari egin zion leku, erabiltzaileek beraiek antolatutako bingo baten bitartez, eurek artisau moduan egindako kartoiekin. Sariak Antzaranen eskuz egindako opariz betetako hiru saski izan ziren (agendak, orrialdeak markatzekoak, kutxatxoak…), elikadurako produktuekin batera. Halaber, Palmera Montero zentro zibikora hurbildu ziren senideek kaxatxo bat bonboi jaso zuten, hori ere zentroan prestatuta, artisau erara. Bingoa amaitutakoan, jaiak bertaratu ziren guztientzako luntx batekin jarraitu zuen, taberna batean. Amaitzeko, erabiltzaileek eta profesionalen taldeak Gabonetako bazkari berezi batez disfrutatu zuten EPSZn. 

Musika eta askoz gehiago Beasainen

Hurrengo egunean, Beasaingo EPSZk –gure erabiltzaileek egindako Gabonetako motiboekin apainduta–, ongietorria eman zien senideei eta Osakidetzako Osasun Mentaleko Zentroetako langileei, beti egoten baitira gurekin egun horretan. Zentroko bertako Ametsa abesbatzak emanaldi bat eman zuen, gitarrista baten eta txistulari baten laguntzaz. Nobedade gisa, gure bi erabiltzailek osatutako 'Joseima' duoak gozarazi egin zituen bertaratutakoak, berariaz entseatu zituzten hainbat abestiren bertsioekin. Programazio orokorrari eta zentroan egiten den errehabilitazio eta suspertze lanari buruz Vicente Huesok egindako azalpen labur baten ondoren, luntx bat egon zen, ekitaldiari amaiera ezin hobea emateko. Mundu guztia pozik joan zen, eta inor ez zen EPSZtik irten zentroko erabiltzaileetako bat den Josu Lasak egindako marrazkien erakusketa dagoen aretoa bisitatu gabe. 

Albiste onak eta gabon kantak Arrasateko EPSZn

Hilaren 20an, ostirala, Arrasateko EPSZko senideek eta osasun mentaleko profesionalek zentroan 2019an egin diren ekintzen errepaso batez disfrutatu ahal izan zuten.Oraingoan, erabiltzaileak arduratu ziren kontatzeaz pertsonalki, ‘zuzeneko albistegi’ baten bitartez: EPSZ Press.

Data hauetan ohikoa denez, gabon kantek ezin zuten huts egin. Iaz bezala, familiekin batera bat-batean kantatzeko entseatu genuen, eta abestiren bat errepikatzea ere erabaki genuen, eta oso hunkigarria izan zen. Gehien laguntzen dietenei esker ona adierazteko, erabiltzaileek luntx bat prestatu zuten, sukaldeko taldean lortutako abilezia eta trebetasunak erakutsiz. Eta, ezin zenez detaile bereziren bat falta, aurten, erabiltzaileek xaboi tailerrean sortutako oparitxo bat eraman diete.  Jada arratsaldean, EPSZk Mari Domingiren eta Olentzeroren bisita hartu zuen, eta, ez zedin ezer falta, lagun ezkutua antolatu zen. 

EPSZetatik gune hau baliatu nahi dugu Gabon zoriontsuak eta jai zoriontsuak opatzeko. Zorionak!!