Prestakuntza-jarduera Euskadiko espetxeetako Pastoraltza taldeentzat

19/12/2018

Gure Legezko Psikiatria Unitatea erreferentea da prozesu judizialetan nahastuta dauden gaixotasun mentaleko pertsonen arretan. Pastoraltza Zerbitzuak antolatuta, joan den abenduaren 14an prestakuntza-jardunaldi bat egin zen Aita Menni Ospitalean hiru euskal elizbarrutietako espetxe-pastoraltzako taldeentzat.

Joan den abenduaren 14an, Pastoraltza Zerbitzuak eta Legezko Psikiatria Unitateak hiru euskal barrutietako espetxe-pastoraltzako taldeentzat antolatutako prestakuntza-jardunaldi bat izan zen Aita Menni Ospitalean. Jardunaldiaren xedea gure Legezko Psikiatria Unitate aitzindaria ezagutzera ematea izan zen, Zaballa, Basauri eta Martuteneko espetxeetan pastoraltza-lana  egiten duten boluntarioentzat. Aita Menni Ospitalea ezaugarri horietako baliabide bat duen Espainiako osasun-zentro bakarra da, eta erreferentea da beren gaixotasun mentalarengatik egindako ekintzen ondorioz prozesu judizialetan nahastuta dauden pertsonen arreta psikiatrikoan.

Iñaki Madariaga doktoreak, UPLko buru klinikoak, eta Unitateko psikologoa den Macarena Aspiunzak eman zuten prestakuntza, eta gurea bezalako baliabideak edukitzea komenigarria dela azaldu zuten, gaixotasun mental larria duten pertsonak, epai judizial baten ondorioz askatasuna kendu diotenak, ospitale-inguru batean bizi daitezen.  

Bizkaitik, Manu Moreno, Karitatea eta Justiziako ordezkaria, eta Jorge Muriel, espetxe pastoraltzako ordezkaria bertaratu ziren. Arabatik: Txarly Martinez de Bujanda, Zaballako espetxeko kapilaua; Asier López de Arkaute medikua eta lau boluntario: Josefina de Dios Moraga, Susana Muro Beistegui, Mercedes Lopez de Uralde Gamarra, eta ahizpa Aurora Herrera. Gipuzkoatik: Xabier Andonegi, Gizarte Pastoraltza eta Elizbarrutiko Misioen bikarioa; José  Luis Gorrotxategi, elizbarrutiko pastoraltzako ordezkaria eta Martin Iribarri, Martuteneko kapilaua. Horrez gain, Horacio Argarate, gure kapilaua eta artzapeza, ere jardunaldira joan zen.

Jardunaldia oso interesgarria izan zen, eta besteak beste, Pastoraltza taldeek elkar ezagutzeko aukera eman zuen. Prestakuntza amaitutakoan, Legezko Psikiatria Unitatera joan ginen Mercedes Goñirekin (Erizaintzako gainbegiralea) eta Birginia Gallasteguirekin (gizarte-langilea). Jardunaldia amaitutakoan bazkaria hartu genuen.