Horrela ospatu genuen San Benito Menniren mendeurrena

Urte berezia da Aita Menni Ospitalerako. Apirilaren 24ean dagoeneko santua den aita Benito Menni gure sortzailearen heriotzaren mendeurrena ospatu genuen, eta 2015eko apirilera arte ospatzen jarraituko dugu.

Egun horretan, jende asko bildu zen meza egin zuten zenbait apaizek San Juan de Dios Ospitale Psikiatrikoan. Abesbatza ere ez zen falta izan, eta santuaren aurrean ohorezko aurreskua dantzatu zuten. Mezatik irtetean, nahi izan zutenak gurekin elkartu ziren jaiegunaren jarraitzeko. Besteak beste, Arrasateko alkatea, Eskoriatzako udaleko, Donostiako elizbarrutiko, erlijio-ordenetako, Caritaseko, Ertzaintzako, Euskadiko Orkestra Sinfonikoko eta egunero elkarrekin lan egiten duten enpresa eta erakundeetako ordezkariak bertaratu ziren.

Egunaren amaieran, Ospitalean 25 urte lanean daramatzaten Aita Menniko langileei oroigarriak banatu genizkien. Baina San Benito Menniren mendeurrenaren programak aurrera darrai.

Egindako jardueren artean, argiaren harrera eta abegikortasunaren ikonoa nabarmendu dira, maiatzaren 17an. Apirilaren 24ean, Dinanen piztutako argia duen kriseilua da. Dinan, aita Menni 1914. urtean hil egin zen Frantziako hiria da hain zuzen, eta San Benitok sortutako etxe guztietatik igaroko gara argiarekin eta ikonoarekin. Farola eta ikonoa San Juan de Dioseko Anaien komunitatetik ere eramango ditugu, eta ekainaren amaierara arte izango ditugu gure ospitalean. Gero, Palentziara eramango ditugu.

Ikonoak Abegikortasunaren balioen ontasuna adierazten du, eta ”abegikortasuna” hitza ikonoaren erdian agertzen da, gure kulturaren adierazgarri moduan. Abegikortasuna gaixoak, behartsuak eta sufritzen duten pertsonak zerbitzatzean egiten dugun giza jarduera, jarduera terapeutiko eta espirituala da. Horrela, pertsona horiek baztertu ordez, hartu eta zaintzen ditugu, gizarteratzen laguntzeko.

Horrez gain, urtean zehar, Aita Menni Ospitaleko langileek eta adiskideek Euskal Herriko lau mendirik garaienetan, hots, Udalaitz (ekainean), Aizkorri (uztailean), Gorbeia (2015ko martxoan) eta Anboton (2015eko apirilean) mendietan utziko dute San Benito Menniren mendeurrenaren logoa, mendi bakoitzean dagoen postontzian. Bestalde, hauek ere izango dira ikusgai: arte eta artisautza erakusketak, musika-ekintzak, kirol jarduerak eta abar. Azkenik, Lourdesera eta Ciempozuelosera joango gara pelegrinazioan, han baitaude San Benito Menniren gorpuzkiak.