Kontzertu solidarioen bira berria

Osasun arrazoirengatik eten labur bat eginda, Juan Carlos Irizarrek Liberiari laguntzeko ‘We are like you’ proiektuaren aldeko kontzertu solidarioei ekin die berriro. Bira Oñatin hasiko da; aurrerago pianistaren saioak antolatuko dira, abesbatzekin eta bestelako artistekin lagunduta Arrasaten, Zestoan, Donostian, Irunen, Durangon, Bilbon eta Ugaon.
Kontzertu solidarioen bira berria

Juan Carlos Irizarrek iktus bat izan zuen 2015eko azaroaren 26an. Bere osasunaren gorabehera honen ondorioz zenbait hiletan agertokitik urrun egon da, hala ere, Liberiako pertsona gaixoentzako arreta proiektuan Ahizpa Ospitalariei laguntzen jarraitzeko gogo handia dela eta bere kontzertu solidarioei ekin die berriz. Oso sendatuta eta oso pozik Donostia Ospitalean eta Aita Menni Ospitalean bertan jasotako tratuarengatik, gure pazienteen abesbatzako zuzendariaren asmoa da “aurrera jarraitzea, pertsona horiengan ahal beste laguntza heltzea, pobreak baino gehiago direlako, miserian bizi direlako”.

Ilusio eta gogo bizi horrekin, apirilaren 24an Juan Carlos Irizarrek beste bira bat hasiko du bere herriko antzokian, hots, Oñatin. Han, Ganbara Txiki abesbatza handiak parte hartuko du, duela gutxi zenbait sari irabazi dituenak. Bide batez, Oñatiko txirrindularia den Markel Irizarri omenaldia ere egingo diote. Ez da faltako dagoeneko ohikoa den azoka solidario txikia, Liberiari laguntzeko. Aita Menniko Unitateetako pazienteak egindako produktuak egongo dira salgai.

Kontzertu solidario bakoitza desberdina eta berezia da. Juan Carlos Irizar artista txiki eta handiez inguratuko da. Oñatin berarekin egongo den Ganbara Txiki Abesbatza duela hamabi urte sortu zen Oñatiko Ganbara Abesbatzaren babesean, Ganbara Gazte taldea bezala. Gaur egun, 12 eta 20 urte arteko 50 neska-mutilek osatzen dituzten bi abesbatza-taldeak. Aitor Biainen zuzendaritzapean diskoak grabatu dituzte dagoeneko eta sari garrantzitsuak irabazi ere, hala nola Torreviejako Habaneren Gazte Lehiaketa. 

Nahiz eta data zehazteko egon, kontzertu solidarioen bira berri horren barruan, Arrasaten, Zestoan, Donostian, Irunen, Durangon, Bilbon eta Ugaon egongo da Juan Carlos Irizar. Ziur asko, aurrerago beste herri batzuetan baieztatuko ditu kontzertuak.