Gure Gabonetako Azoka Solidarioan bildutako dirua Elikagai Bankuari eman diogu

Bizkaiko Elikagai Bankuaren ordezkariak Txurdinagabarri Egoitzara hurbildu ziren joan den astean, gure Gabonetako Azoka Solidarioan bildutako dirua jasotzera.

Egoitzan urteak daramatzagu Elikagai Bankuarekin lankidetzan. Gure inguruko supermerkatuetan egiten diren elikagai bilketetan boluntariotza eginez parte hartu dugu, eta Gabonetan Azoka Solidario bat egiten dugu, objektuak saldu eta erakunde horrentzako dirua biltzeko.

Joan den astean, Elikagai Bankuaren ordezkariak Txurdinagabarrira hurbildu ziren diru hori biltzera, eta, bide batez, egiten duten lana zehatzago azaldu ziguten.