Horrela ospatzen dugu San Fermin Donostiako Garuneko Kalteko Eguneko Zentroan

Hainbat ospakizunek bizitzaz betetzen dituzte gure eguneko zentroak. Urtebetetzeak, festak, tradizioak…Beti saiatzen gara zerbait ospatzeko izatea. Eta egun hauetan espero zenez, San Fermin egun berezi bat izan dugu.

Aste osoan zehar, Donostiako Aita Menni Garuneko Kaltearen eguneko zentroko terapeutak eta erabiltzaileak jaiegun handi bat prestatzen ibili ziren. Programan bi ekitaldi garrantzitsu nabarmentzen ziren: goizean, oso pintxo lehiaketa erakargarria; arratsaldean, Porrotx pailazoaren emanaldia.

San Txistorrín, Urdaiazpiko- eta gazta-entzierroa, lepoko zapi betea, Iruñeko suzedaneoa… Lau taldetan banatuta, beren sukaldeko sorkuntzak prestatu zituzten zentroko erabiltzaileek. Horren aurretik, programa prestatu zuten, errezetak asmatu, pintxoen izena erabaki eta irabazleentzako diplomak diseinatu zituzten ordenagailuan. Behin prestatuta, Euskadi Irratiko kazetaria den Arritxu Iribarrek eman zuen pintxoei buruzko iritzia.

Pintxoak oso gozo zeudenez hiru taldek berdindu zuten finalean, beraz, eskua altxatuta hautatu zuten irabazlea. Lehen saria Jose Marik, Juaninek, Juananek, Iñakik eta Jonek osatutako taldea irabazi zuen, Iruñeko suzedaneoa pintxoarekin. Bazkariaren ondoren Porrotx pailazoak emanaldi dibertigarri eta parte-hartzailea egin zuen erabiltzaileentzat eta haien senideentzat. Egun arrakastatsua izan zen, beraz. Errepikatzeko moduan.

Jolas-jardueren balioa

 

Ibilaldiak, sukaldaritza-tailerrak, eskulanak edo honen moduak ekimenak dira gure errehabilitazio-ereduak. Eguneroko bizitzako jardueretan prestatzeko balio dute, garuneko kaltea duten pertsonen bizi-kalitatea hobetzen dute eta autonomoak izaten eta gizarteratzen laguntzen dituzte.