Aita Menni – Hermanas Hospitalarias
Salud mental | Personas mayores | Daño cerebral | Discapacidad intelectual
Gaurkotasuna
Liberian emakumeentzako osasun mentaleko We Are Like You proiekturako (WALY) funtsak biltzeko xedearekin, Dato Económico aldizkariak eta Arrasateko Aita Menni Ospitaleak kontzertu solidario bat antolatu zuten joan den irailaren 14an Bilboko Koral Elkartearen eskutik Gasteizko Santa Maria Katedralean.
Ekitaldian 450 pertsona baino gehiago izan ziren eta 5.480 euro bildu ziren. Horrela, Monroviako Saint Benedict Menni Zentroa Liberiako hiriburuan Aita Menni Ospitalearen laguntzarekin abian jartzen ari den proiektu solidariorako osorik erabiliko dira.
Santa Maria Katedrala Fundazioko kideak, Jon Lasa buru zela, Bilboko Koral Elkartearen kontzertuaren anfitrioiak izan ziren, Enrique Azurza bere zuzendaria buru zela, Alberto Saez organistaren laguntzarekin. Kontzertua hasi baino lehen Juan Carlos Irizarmusikariari omenaldia egin zioten, Euskadin WALY proiektuaren eragole nagusia delako bere Kontzertu Solidarioen birari esker.
Egoitz Zabala, Montse Esparza, Juan Carlos Irizar eta Mikel Tellaeche
Gasteizen Jose Miguel Lanzagorta elkarteko presidentea eta Iñigo Alberdi kudeatzailea izan ziren, eta antolatzaileen aldetik, Dato Económico aldizkariko ohorezko presidentea den Augusto Borderas, Iñigo Ramón zuzendaria eta Aita Menni Ospitaleko zuzendari kudeatzailea den Mikel Tellaeche.
Horrez gain, hauek ere izan ziren: Arabako fiskalburua, Josu Izaguirre; Erkideko presidentea, Javier Goienetxea; Erkideko zuzendari nagusia, Agustín Mendiola; Carlos Samaniego abokatua; Carlos Múgica, Motor Gorbea-koa; Roberto García, Electro Alavesa-koa; San Prudentzio Lan Fundazioko presidentea, Yolanda Berasategui eta Esther Unceta bere kudeatzailea, beste pertsona askoren artean.
Aita Menni Ospitalea eta Dato Económico aldizkaria lerro hauez baliatu nahi dira bertaratutako pertsona guztiei eskerrak emateko, izan ere, Gasteizko katedraleko ataria bete zuten, We Are Like You programari laguntzeko.
