Eguneko Ospitaleak "Paziente bizia-Paciente activo" programan parte hartzen du

12/02/2018

Urtarrilaren erdialdetik Osakidetzak bizitza osasungarriko ohiturei eta ikaskuntzari buruzko tailer bat ematen du gure Zentroan. Programa osasun-egoera hobearekin bizi nahi duten eta gaixotasun kroniko bat duten pertsonentzat da.

'Paziente Bizia-Paciente Activo' autozainketako hezkuntza-programa bat da, gaixotasun kronikoak dituzten edo bere burua zaintzen duten pertsonek gaixotasuna eta osasun-egoera hobea izaten laguntzen dieten ohiturak edo jokaeran ezagut ditzaten.

"Osasun eskolarako tailerrak ematen dituen erabiltzaile baten senide bati esker, programa honetan interesa agertu genuen Eguneko Ospitalean. Hain zuzen gaitasun eta ohitura osasungarriak ikasi eta hobetzen saiatu nahi diren pertsonentzat eskaintzen die Osakidetza, gaixotasun kronikoetara eta bestelakoetara moldatzeko. Horrela, urtarrilaren erdialdean hasi genituen saioak. Talde handia garenez, zorionez hona etortzen dira ematera. Osakidetzarekin Osasun Eskolan parte hartzen duten bi erizain astelehenero etortzen dira, 10:15ak aldera", esan digute begiraleek.

Tailerra 2 ordu eta 15 minutu inguruko saioen bidez egiten da, astelehen goizetan, 7 astetan. Saioak bi begiralek ematen dituzte, taldeka egiten dira eta parte-hartzaileak dira. Zer lantzen da saio horietan? Beraien osasunaz arduratzen eta erabaki egokiak hartzen laguntzen dieten tresnak eskaintzen zaizkie erabiltzaileei. Bestelako tekniken artean, ariketa fisikoa sustatzen da, elikadurari buruzko oinarrizko ezagutzak ematen dira, sendagaien erabilera egokiari buruz, emozioen erabilerari buruz hitz egiten da, komunikazio eraginkorraren oinarrizko funtsak erakusten dira...

Urtarrilaren 15ean lehen tailerra hasi zen. Programan zazpi saio daude, eta jadanik lau egin direnez, hainbat gai jorratu dira. "Tailerrera erabiltzaile guztiak joaten dira, eta hasiera batean nola joan zen ez bagenekien ere, denak daude pozik; dinamiketan aktiboki parte hartzen dute, eta inork ez du galdu nahi. Egia da lantzen diren gaietako asko zentroan emandako osasunerako hezkuntza-taldeetan dagoeneko aztertu dituztela, noski, baina badirudi norbait kanpotik etortzeak interesa pizten duela berriro, eta ohiturak eta asmoak mantentzen eta berriro ekiten laguntzen du. Eta hori, oso ondo dago!", nabarmendu du begiraleetako batek.

Tailer hauek osasun-talde profesionalaren lana osatzeko pentsatuta daude. Horietan, arazoei aurre egiteko teknikak ikasten dira, ohiturak aldatzeko helburuak proposatzen dira, komunikazio teknikak egiten dira familiarekin eta osasun-talde profesionalarekin, lasaitzeko teknikak, ariketa fisikoari buruzko informazioa, elikadurari buruzko oinarrizko ezagutzak, sendagaiak modu egokian erabiltzeko modua eta gaixotasun kronikoei buruzko ezagutzak. Azken finean, oinarrizko informazioa ematen da, eta tresnak eta gaitasunak lantzen dira, gaixotasun kronikoren bat duten pertsonak beraien osasunaren zainketarekin biziagoak eta arduratsuagoak izan daitezen.