Flower Power festa Villabonako Santiago Egoitzan

Villabonako Santiago Egoitzan aurten atzeko terrazako jarduerei Flower Power festa batekin ekin diegu, egoiliar eta senideekin.

Aurreko astean, gure aitona-amonak paperezko loreak eta borlak prestatzen aritu ziren, ondoren terraza apaintzeko, eta hawaiar lepokoak eta ilerako zintak erosi genituen.

Festara Egoitzako senide eta lagun kopuru eder bat etorri zen, haietako asko arropa zuriz jantzita oraindik eta giro handiagoa sortzeko, eta egoiliarrekin batera prest geneukan askaria ederki gozatu zuten.

Eta askariaren ostean, abestera. Karaokea konektatu eta errepasoa egin genien, mikrofonoa eskutan, garai guztietako abestiei. Eta horrela, abesti eta dantza artean, arratsaldea modu ezin hobean pasa zitzaigun: umore onez eta alai.