Gaixoaren Pazkoa ospatu dugu
Gaixoaren Pazkoaren eguna zela eta, maiatzaren 11n, osteguna, eukaristia bat egin genuen Bilboko Txurdinagabarri adinekoen Egoitzako beheko solairuan, eta egoiliarrak eta Eguneko Zentroko erabiltzaileak etorri ziren.
Elizak maiatzaren 14an ospatzen du Gaixoaren Pazkoaren eguna. Ospakizun horrekin amaitu da otsailaren 11n, Lourdeseko Andre Mariaren egunean, mundu osoan Gaixoaren Egunarekin hasitako kanpaina.
Aurten, kanpaina adinekoei eskaini zaie, eta hau da leloa: “Ez ni baztertu zahartu naizen honetan, ez eskutik utzi indarrak ahuldu zaizkidanean” (71,9 salmoa). Utzi haren aurpegi higatuak lilura zaitzan”. Parrokia komunitateak data horren inguruan hurbiltzen dira gaixoengana, haien familia eta osasun munduko profesionalengana, haiekin eta haien alde egiten dute otoitz, eta gaixoen gantzuduraren sakramentua eman ohi da.
Hala egin genuen gure egoitzan, non egoiliar talde batek sakramentua jaso zuen.
Esku ezarpena eta olioarekin gantzutzea Jesusengandik datozen keinuak dira. Esku ezarpenak Jainkoak hartzen gaituela eta babesten gaituela adierazten du, eta kopeta eta eskuak gantzutzea da espiritua gure gorputz gaixoetan isurtzen denaren ikurra, gu indartzeko eta bakea eta pozbidea emateko.
