Musika eta umorea Bilbon Kalte Zerebralaren Eguna ospatzeko
AITA MENNIK AKTIBOKI LAGUNDUKO DU BERRIRO URRIAREN 26KO OSPAKIZUNEAN
Datorren urriaren 26an, asteazkena, garuneko lesioa duten pertsonen elkartea bizi duten errealitatea gizarteari hurbiltzen saiatuko da Bilbon egingo diren zenbait jardueraren bidez. ATECE buru izanda eta Bizkaiko Foru Aldundiaren laguntzaz, beste erakunde eta pertsona batzuek jarduerak egingo dituzte goizean eta arratsaldean.
Ez da dibertsioa faltako baina sentsibilizatzeko eta aztertzeko aukera ere egongo dira. Aita Menni Ospitaleko Kalte Zerebraleko Zerbitzuak bere ekarpena ere egingo du kalte zerebrala artatzeko eredu bat ezartzea eta laguntza jarraitzea bermatzen duen sistema soziosanitario bat lortu behar dela jakinarazteko.
2. Topaketa solidarioa
18:30ean, Bizkaia Aretoan (EHU-UPV), Abandoibarran, 2. Topaketa solidarioa kalte zerebralarekin egingo da. “Salbatutako bizitza bat bizitzea merezi du” goiburupean, Bizkaiko Hartutako Kalte Zerebralaren elkartearen xedea Euskadin dagoeneko 19.000 pertsona baino gehiago diren taldearen errealitatea ezagutzera ematea da. “Laguntza handiagoa behar du. Zenbait urte daramatzagu lanean, ia ezer esan gabe, eta uste dugu gure taldea ezagutzera emateko ordua heldu dela, laguntza-sarea handitzeko eta gizarteratzean aurrera egiteko”, adierazi du Bizkaiko ATECE elkarteko presidenteak, José Luis Estebanek.
Bigarren Topaketa Solidario honen helburua da oihartzun handia lortzea gizartean. Hori dela eta festa bat antolatu da eta pertsona ezagunek parte hartuko dute. Besteak beste, Kepa Junkera, Gurutze Beitia eta Gospel Bilbao taldea eta Bizkaian arlo honetan laguntzen duten agintariak, profesionalak eta erakundeak izango dira.
José Ignacio Quemada doktorea, Kalte Zerebraleko Menni Sareko burua eta Aita Menni Ospitaleko Kalte Zerebraleko Zerbitzuaren koordinatzailea dena, arratsaldean parte hartuko duen adituetako bat izango da, Susana Pinedo doktorearekin, Gorlizko Ospitaleko Kalte Zerebraleko Zerbitzuaren burua denarekin, eta Bizkaiko Foru Aldundiaren Gizarte Urgazpenerako Foru Erakundearen mende dauden Bekoetxe eta Lurgorri eguneko zentroko ordezkariekin batera.
Ekitaldirako sarrera librea izango da leku guztiak bete arte. Hala ere, edonork lagun dezake, 10 euroko sarrera solidario bat erosiz. Sarrera horretan, eserlekua eta kalte zerebrala duten pertsonek arte-tailerrean egindako koadro baten zozketarako txartelak barne hartzen dira. Ezin direnak joan edo lagundu nahi dutenek 5 euroko ekarpena egin ahalko dute, 0 Lerrorako, sarrerarik erreserbatu gabe. Sarrerak eta ekarpenak orri-oin honetan edo elkartearen instalazioetan (Kanariar Uharteen kalea, 85, beheko solairua. Bilbo. Tel.: 94 448 40 45) eros daitezke.
Ekitaldia aurrera eramateko ATECE Bizkaia elkarteak Bizkaiko Foru Aldundiaren, BBKren, El Correo egunkariaren, Radio Bilbao-Cadena Ser irratiaren eta Ticketea webgunearen laguntza izan du.
