San Mamesek Erreminiszentzia Tailerrak berriz ere hartu ditu
Txurdinagabarri eta Barandiaran adineko pertsonen Egoitzetako Erreminiszentzia Tailerrek pasa den apirilaren 26an San Mames futbol zelaia eta museo bisitatu zituzten.
“Espedizioa” Erreminiszentzia Tailerretan parte hatzen duen taldeak, senideek eta zentroetako langileek osatu zuten, eta instalazio zuri-gorrietara iristean Tailerretako ezagun zahar batek egin zien harrera, Jose Anjel Iribar ezagunak, hainbat aldiz bisitatu gaituenak eta Athleticeko jokalari ohien elkarteko lehendakari denak. Taldearekin egon ziren ere bi jokalari zuri-gorri ohi: Juan Maria Zorroqueta, Futbol Elkarte Beteranoen Espainiako Federazioko lehendakaria -Erreminiszentzia Tailerrak antolatzen dituen entitatea- eta bere komunikazio arduraduna, Andoni Ayarza.
San Mameseko ibilbidea museoko bisitarekin amaitu zen. Bertan ehun urteko historian zehar taldeak izandako plantilla guztien irudiak ikusi genituen, baita urteetan zehar lortu diren garaikur zuri-gorriak, besteak beste, 1898an sortu zenetik irabazitako 23 Kopak eta 8 ligak.
Ondoren zelaira atera ginen. Bertatik estadioko dimentsio ikaragarriak hobe ikusteko aukera izan genuen, eta argazki asko egin genituen, oroigarri gisa. Ondoren aldageletara joan ginen. Bertan “lehoietako” bakoitzak aldatzeko duen tokia ikusi genuen, haien kamisetak prest zituztela. Bertan Carlos Gurpeguirekin topo egiteko sorpresa ederra izan genuen, 2011 eta 2016 artean klubeko kapitain izandakoa, bere ibilbide guztia Athleticeko jokalari gisa egin zuena eta gaur egun bere enbaxadore instituzionala dena.
Berarekin solasalditxo bat izan ostean, entrenatzaileak eta jokalariek prentsaurrekoak ematen dituzten aretora joan ginen, ondoren telebistan ikusten dugun horretara. Bertan bideo batzuk ikusi eta Athleticeko ereserkia abestuz amaitu genuen, Erreminiszentzia Tailerretako saio guztietan egin dugun bezalaxe.
