Sukaldaritza tailerra Durangoko Joxe Miel Barandiaran Adinekoen Eguneko Zentroan
Ekainean eta uztailean Joxe Miel Barandiaran Eguneko Zentroko erabiltzaileek sukaldaritza-tailerra egin dute, urtean behin egiten duten moduan, eta erabiltzaileen harrera bikaina izan da.
Prozesuaren helburuak hauek dira:
- Taldeko kideen arteko elkarrekintza sustatzea.
- Laguntza eta erantzukidetasuna sustatzea.
- Erabiltzaileen eguneroko bizitzako jarduerak egitea.
- Funtzio kognitiboak suspertzea: oroimena, arreta, plangintza eta abar.
- Erabiltzaileen autoestimua indartzea.
Tailerrean 8 erabiltzailek parte hartu dute, eta besteak beste, errezeta gozoak (gazta-tarta, txokolatezko bizkotxoa, galletak, flana…) eta gaziak (atun-sandwicha, gildak, vichysoisse…) egin dituzte.
Aldi honetako azken saioan taldeak salmorejoa eta sandwich konbinatua prestatu zuen, geroago Eguneko Zentroko erabiltzaile guztiekin dastatu zituztenak. Gainera, lanarengatik zoriondu zituzten.
Beraiek azaldu digute nola egin zuten errezeta: “Goizean hasi ginen salmorejoa prestatzen, arratsaldean fresko egon zedin. Denon artean zuritu eta zatitu genituen tomateak eta ogia, eta litro erdian beratzen jarri genuen. Irabiatu eta olioa, gatza, ozpina eta ur hotza gehitu genion, zopa baten loditasuna lortu arte. Gero, berakatzak eta arrautza zuritu, txikitu eta geroko utzi genuen, salmorejoko edalontzia zerbitzatzerako orduan apaintzeko”.
Gero, hurrengo lanak nola banatzen ziren erabaki behar izan zuten: Moldeko ogi-xerrak maionesaz igurtzi, sandwicha muntatu eta arrautza gogorrarekin apaindu…
Emaitza begien bistan dago…
