Txurdinagabarriko San Silvestreren I. edizioa
Urte bukaerako San Silvestre herri lasterketa bat da, leku askotan abenduaren 31n egiten dena, eta, Gabon hauetatik aurrera, baita Txurdinagabarri Egoitzan ere.
Aurrerapen pixka batekin, hilaren 29an, solairu guztietako egoiliarrak eta senideak beheko solairura jaitsi ginen. Gabonetako apaingarri dibertigarriak jantzita, eta bakoitza bere dortsalarekin hornituta, bi buelta eman genituen barruko pasillotik.
Dortsala lortzeko, senideek elikagai bat ekarri behar zuten Bizkaiko Elikagaien Bankurako, izan ere, harekin lankidetzan aritu gara beste behin ere Gabonetako bilketa egiten.
Lasterketaren ondoren, mokadu batekin indarra berreskuratzeko unea iritsi zen, eta Gabonetako saski eder bat zozketatu zen parte hartu zuten dortsal guztien artean.
