Aita Menni Ahizpa Ospitalarioek Ertzaintzan suizidioaren prebentzioan egindako lana, saritua
Polizien Suizidioa Prebenitzeko Andaluziako Elkarteak (AASP) Aita Mennik Ertzaintzako agenteen suizidioaren prebentzioan egiten duen lana aitortu du. Joan den irailaren 22an, erakunde horrek –polizien arrisku psikosozialen prebentzioan dihardu, batez ere polizia eta segurtasun profesionalen osasun mentala zaintzen, bereziki zentratuta suizidioaren eta nahasmendu mentalen prebentzioan– “Polizia erakundeen II. Aitortza Ekitaldia” egin zuen, Castilleja de la Costan (Sevilla), non kondekorazioak eta sariak banatu zituzten.
Sarien bigarren edizio horretan, segurtasunaren eta osasun mentalaren arloko beste polizia profesional batzuen artean, Aita Menni Ospitaleko Psikologia Klinikoko psikologo espezialista Alfonso Saez de Ibarra Olasolori eman zitzaion errekonozimendua, zeinak duela 25 urtetik gure zentroak Eusko Jaurlaritzako Segurtasun Sailari ematen dion osasun mentaleko arreta integralaren barruan koordinazio funtzioak betetzen dituen. Lan hori alderdi asistentzial eta terapeutikoetan (Psikologia, Psikiatria) zein prebentziozko eta prestakuntza alderdietan oinarritzen da, Ertzaintzan osasun mentaleko zaintzari eta prebentzioari dagokionez.
Banaketa ekitaldian, Alberto Martin Ruiz AASPko lehendakariak adierazi zuenez, keinu horrekin, “saria eta aitortza eman nahi zaie funtzio publikoan edo pribatuan esanahi sozialeko ekintza nabarmenak egin dituzten pertsonei, horregatik kidegoaren aitortza merezi dutelarik, gizarte libreago eta hobeago bat eta, ondorioz, bizigarriagoa lortzeko egin duten ibilbideagatik zein proiektuengatik”. Hori dela eta, polizia elkarte horrek segurtasun lana “Aitortzeko domina” ematea erabaki zuen, Segurtasun Kidegoetako profesionalen eta langileen zerbitzu bereziak saritzeko helburuarekin, pertsonak eta ondasunak babesteko eta, herritarren segurtasuna zainduz, haien eskubide eta askatasunen erabilera askea bermatzeko betetzen duten misioan.
