Herri kantak adinduentzako Santiago Egoitzako belaunaldien arteko trukean
Katekesi taldeetan dabiltzan 5. eta 6. mailako ikasleek Villabonako (Gipuzkoa) adinduentzako Santiago Egoitza bisitatu berri dute, herri abestien kontzertu bat eskaintzeko.
Egitasmoa Villabona, Zizurkil eta Tolosako ikastetxeekin, katekesi taldeekin eta Loatzo Musika Eskolarekin garatzen ari garen Belaunaldiarteko Programaren barruan kokatzen da. Neska-mutilen taldeek aldizka bisitatzen gaituzte elkarrekin ekintzak egiteko, eta beste batzuetan Santiagoko adinduak izaten dira ikastetxeetara joaten direnak, ikasleekin tarte bat partekatzera.
Oraingoan katekesiko haurrek bisitatu gaituzte, ikasturtea hasi aurretik eskaini diguten arratsalde batean. Euren gitarrekin, kanta ezagunak interpretatu dituzte euskaraz eta gaztelaniaz, hala nola “Clavelitos”, “Boga Boga”, “Maritxu nora zoaz”, “Txantxibiri”, “Cielito Lindo” edo “Rianxeira”, eta gure egoiliarren eta senideen ahotsen laguntza ere izan zuten.
