“Txurropotea” egiten Durangotik

Abenduaren 15ean, osteguna, Gabonetako jarduera bereziak hasi genituen Joxe Miel Barandiaran Zahar Egoitzan, eta aurten, nobedade gisa, “txurropote” ezarri dugu. Durangoko txurro-dendan, ostegunetan, 2 euroren truke 6 txurro erosten dituzu eta txokolatea oparitzen dizute.

Ideia horretaz baliatuz, ostegunean 20 pertsona inguruko taldea atera ginen Egoitzatik, egoiliarrak eta laguntzaileak. Paseo bat eman genuen Zazpi Kaleetatik Gabonetako argiak ikusteko, eta gero, berotzeko, txokolate beroa hartzera joan ginen.

Bapo jan genuen eta primeran pasatu genuen gurekin “txurropote” egitera etorri ziren boluntarioekin.

Datorren ostegunean errepikatuko dugu. Ea lehen aldian bezala hainbeste jende etortzen den!