Movember Txurdinagabarri egoitzara iritsi da

Movember mundu mailako ekimen bat da, kontzientziatu eta dirua bildu nahi duena gizonezkoen osasun mental, suizidioaren prebentzio, prostata minbizi eta testikuluetako minbizi programetarako.

Oro har, egiaztatuta dago gizonak emakumeak baino lehen hiltzen direla, eta patologia batzuek bereziki erasaten dietela, eta Movemberren asmoa da kontzientziatzea eta dorua biltzeko bideak antolatzea gaitz horietan ikertzeko eta horien aurka borrokatzeko, mundu osoan.

Ekimenaren sinboloa bibotea da, eta azaroa da egitasmoa ikusgarri egiten den hila, gizonei proposatzen baitie bibotea uzteko, “gizonen osasunari aurpegia aldatzeko”. Hemendik datorkio izena: “Mo”, moustache (bibotea) eta November (azaroa).

Hilabetean zehar, Txurdinagabarri Egoitzako solairuetan hainbat dinamika garatu ditugu ekimenari lotuta. Gehienbat gizonei eragiten dieten hainbat gaixotasuni buruz hitz egin dugu, baita Movember mugimenduari buruz ere.

Gure babesa ikusarazteko, eskulanen tailerretan biboteak egin genituen.