Txitxiburduntzi ganbaran

Txurdinagabarri adinduentzako Egoitzan Txitxiburduntzi eguna ospatu nahi izan dugu. Ospakizuna Euskal Herriko herri askotan egiten zen, Inauteri aurreko igandean, Garizuma iritsi baino lehen.

Egun horretan mendira joan ohi zen, eta, bertan, haragi zatiak (txitxia), txorizoa, txistorra eta txerri hil ondorengo beste produktu batzuk erretzen ziren sutan, makila batean txertatuta (“burduntzia” edo “burruntzia”).

Txurdinagabarrin gure gailur partikularrera igo gara, terrazara, eta txistorra eta odolostea erre ditugu txingarretan, ederto disfrutatuz bistaz, berriketaz… eta hamaiketako goxoaz!

Durangoko adinduentzako Barandiaran Egoitzan ere egin ohi dugu txitxiburduntzia Gabon garaian.