Gabonetan turroiak disfagia duten pertsonentzat
Bilboko aita menni neuroerrehabilitazio zentroak turroi batzuk egin
ditu irensteko arazoak dituzten pertsonentzat. hemen dituzue errezetak
Egun hauetan mundu guztia elkartzen da mahaiaren inguruan Gabonetako gozoki onez gozatzea, baina irensteko arazoak oso gogaikarriak izan daitezke. Arbendol zatitxoz egindako turroiak, polboroi lehorrak, mazapan itsaskorra, likorezko bonboi arriskutsuak… Badirudi gozoki guztiek eragozpenen bat dutela disfagia dutenentzat. Kalte zerebral batengatik edo beste edozein arrazoirengatik disfagia duten pertsonek goza dezaten, aurten, Bilboko Aita Menni Neuroerrehabilitazio Zentroak zenbait turroi egin ditu disfagia duten pertsonentzat. Bigunak, krematsuak, testura bikoitzik gabe, eta batez ere…BENETAKO TURROIAREN ZAPOREAREKIN!
Turroi gozo hauekin senideak aho zabalik utzi nahi badituzue, Marina Pascual logopedak errezetak utzi dizkigu hemen.
Alacant turroi krematsua
Osagaiak:
o 1 Alacant turroi-tableta
o ½ litro arbendol-esne
o 4 agar-agar zorro (edo 2 gelatina-hauts neutrozko zorro)
Hasteko, birrindu turroia irabiagailuan eta bota pixkanaka arbendol-esnea, krema lodi homogeneo bat lortu arte. Gorde esne basotxo bat. Ondoren, iragazi krema, txikitu gabe gera daitezkeen arbendol zatiak kentzeko.
Ontzi batean, bota gorde duzun esne basoa, gehitu 4 agar-agar zorroak edo gelatina-hautsa eta irakiten jarri. Kendu esnea sutik eta bota krema, hagaxka batzuekin gogor mugituz.
Bota nahastea molde batean eta itxaron epeldu arte. Giro-tenperaturan dagoenean jarri turroia hozkailuan utzi bi ordu gutxienez. Eta prest dago jateko!
Xixona turroi krematsua
Osagaiak:
o 1 Xixona turroi-tableta
o ½ litro arbendol-esne
o 2 gelatina-hauts neutro zorro
Xixona turroiaren bertsio hau Alacant turroia bezala egiten da, hala ere, gelatina-hauts neutroa erabiltzea gomendatzen dugu, agar-agar erabiliz ordez, trinkoagoa geratuko delako.
Ikusten duzue zein erraza den, 10 minutu baino ez dituzue beharko. Opari ona da, eta onena da edozein turroirekin egin daitekeela. Espero dugu zuen senide guztientzat Gabonak apur bat erosoagoak izaten laguntzea. JAI ZORIONTSUAK!
GUÍA PARA EL MANEJO DE LA DISFAGIA by Red Menni de Daño Cerebral on Scribd
