Inauteri jaia Txurdinagabarri Egoitzan

Joan den otsailaren 28an inauteriak ospatu genituen Txurdinagabarri Egoitzan eta, eguraldi ona aprobetxatuz, goiko terrazara igo ginen.
Bi txandatan egin genuen: 1., 3. eta 4. solairuekin goizean, eta 2. eta 5. solairuekin arratsaldean.

Aurtengo gaia zirkua zen, eta, besteak beste, pertsonaiak izan ziren indartsua, lehoien hezitzailea, pailazoa, dantzaria, fakirra, etab.

Mozorro guztiak aurreko asteetan muntatu eta prestatu genituen eskulanen taldeetan.

Jaian zehar, inauterietako torrada tipikoez gozatu ahal izan genuen, Celia Cruz edo Georgie Dannen inauterietako abestiak entzuten genituen bitartean.