Kalte zerebralaren errehabilitazioari buruzko neuropsikologia klinikoa

Garuneko lesio batek gaitasun kognitiboei, emozioei, ekintzarako borondateari, jokabideari eragin diezaieke, besteak beste. Ahizpa Ospitalarioen Kalte Zerebraleko Menni Sarearen errehabilitazio neuropsikologikoko programek nahasmendu horiei aurre egiten diete, errehabilitazio neuropsikologikoko banakako programen bidez, arreta, memoria, funtzio exekutiboak, autokontzientzia berreskuratzea edo trebetasun sozialak landuz.

Neuropsikologiak garunaren eta portaeraren arteko harremanak ahalbidetzeko elkarreragiten duten prozesu psikikoak aztertzen ditu. Neuropsikologia klinikoan aritzeko, graduatu ondoko prestakuntza espezifikoa eta praktika gainbegiratu bat behar dira. Deustuko Unibertsitateak aspaldidanik eskaintzen du Osasun Psikologia Orokorreko + Neuropsikologia Klinikoko Masterra, eta erreferentziazko irakasleak daude bertan, besteak beste, Ainhoa Espinosa de Luzarraga neuropsikologoa eta Aita Menni Ahizpa Ospitalarioetako profesional talde handi bat.

Ainhoa Espinosa de Luzarraga Aita Menni Ahizpa Ospitalarioetako neuropsikologoa da Gizarte Urgazpenerako Foru Erakundeko (GUFE) Bekoetxe Kalte Zerebraleko Eguneko Zentroan, eta hartutako kalte zerebrala izan duten helduen nahasmenduetan errehabilitazio kognitiboari lotutako edukiak ematen ditu, errehabilitazio programetan teknologia berriak erabiltzea barne.

Errehabilitazio neuropsikologikoa

“Eremu kognitibo bakoitzaren errehabilitazio ereduak eta horien eraginkortasuna aztertzea garrantzitsua da, baina ez da nahikoa. Eta hori transmititzen saiatu naiz Neuropsikologiako eta Osasun Psikologia Orokorreko Master bikoitzeko ‘Errehabilitazio neuropsikologikoa’ moduluari hasiera ematen dion klasean. Ezagutza teknikoak aplikatzeaz gain, beste faktore garrantzitsu batzuk gehitzen dira, hala nola terapeutaren malgutasuna eta lesio neurologiko baten ondoren lagunduko diogun pertsonarentzat garrantzitsua den horretan fokua jartzeko duen gaitasuna”, azaltzen du Espinosa de Luzarragak.

“Zerbait ikasi badugu, esku hartzea aplikatzen dugun unea garrantzitsua dela da, baita pertsonak bere errehabilitazio prozesuan duen kontzientzia eta inplikazio maila kontuan hartzea ere, defizitak modu aktiboan konpentsatzeko, edo antolamenduaren eta errutinen bidez”, gure neuropsikologoak gaineratu duenez.

Halaber, azpimarratu zuen ez direla ahaztu behar jokabidea aldatzearen eraginkortasuna, pertsonari eta haren ingurukoei nortasun berrian laguntzeko lanketa emozionala eskaintzeko beharra, eta neuropsikologiako profesionalaren lana taldean lan egiteko orduan, baliabide bakoitzean jarraibide indibidualizatuak eta adostuak emanez.

Amaitzeko, beti bezala, betiere gizakiaren osotasuna kontuan hartuta, gure adituak hartutako kalte zerebral baten ondoren afektibitateari eta sexualitateari buruzko ebaluazio eta interbentzio posible bat azaldu zuen.

Unibertsitate master hau Osasun Zientzien arloko graduatu, lizentziatu eta profesionalei zuzenduta dago (Psikologia, Medikuntza, Logopedia, Terapia okupazionala eta Erizaintza). Ainhoa Espinosa de Luzarragarekin batera, Aita Menni Ahizpa Ospitalarioetako beste profesional batzuek ere parte hartzen dute, horien artean egonik Kalte Zerebraleko Zerbitzuko neuropsikologo Noemi Alvarez Dominguez eta Naiara Mimentza Larrinaga, Kalte Zerebraleko Menni Sareko zuzendari Jose Ignacio Quemada doktorea, edo Vicente Hueso Corral eta Jose Antonio Ezquerra psikologo klinikoak.